គណបក្ស​នយោបាយ​ប្រឈម​នឹង​ត្រូវ​គេ​រំលាយ​ចោល​ប្រសិន​បើ​រារាំង​អ្នក​បោះ​ឆ្នោត

Comment: All democratic countries respect the will of their citizens to vote in favor, to vote not in favor, or to waive their right to vote (neutral), to any political party or candidate. If Cambodia new election law is drawn to demolish or disband any political party that has banned Cambodian citizens not to vote, is considered a bad law, and it will move towards the natural law or anarchic law.

គណបក្ស​នយោបាយ​ប្រឈម​នឹង​ត្រូវ​គេ​រំលាយ​ចោល​ប្រសិន​បើ​រារាំង​អ្នក​បោះ​ឆ្នោត

ដោយ ទីន ហ្សាការីយ៉ា
2015-02-20

ប៊ិន ឈិន គួយ ប៊ុនរឿន ៦២០

ប្រធាន​ក្រុម​ចរចា​គណបក្ស​ប្រជាជន​កម្ពុជា លោក ប៊ិន ឈិន (ឆ្វេង) និង​ប្រធាន​ក្រុម​ចរចា​គណបក្ស​ប្រឆាំង លោក គួយ ប៊ុនរឿន (ស្ដាំ) ផ្ដល់​បទសម្ភាសន៍​ដល់​អ្នក​កាសែត បន្ទាប់​ពី​កិច្ច​ប្រជុំ​ស្ដីពី​ការ​កែ​ទម្រង់​ច្បាប់​បោះ​ឆ្នោត នា​វិមាន​រដ្ឋសភា នៅ​ថ្ងៃ​ទី​២៦ ខែ​ធ្នូ ឆ្នាំ​២០១៤។

RFA/Vann Vichar

ក្រុម​ការងារ​គណបក្ស​ទាំង​ពីរ គឺ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ដែល​ចរចា​គ្នា​លើ​សេចក្ដី​ព្រាង​ច្បាប់​បោះ​ឆ្នោត នៅ​ថ្ងៃ​សុក្រ ទី​២០ កុម្ភៈ នេះ បាន​ឯកភាព​ចំនួន ១១០​មាត្រា នៃ ១២​ជំពូក។ ប៉ុន្តែ​ចំណុច​ដែល​នៅ​សេសសល់​នោះ ពួក​គេ​បាន​នឹង​ធ្វើ​របាយការណ៍​ជូន​ថ្នាក់​ដឹក​នាំ​គណបក្ស​រៀង​ខ្លួន​នៅ​ដើម​សប្ដាហ៍​ក្រោយ។

សូម​​ស្ដាប់​សេចក្ដី​រាយការណ៍​ពិស្ដាររបស់​លោក ទីន ហ្សាការីយ៉ា ដែល​តាម​ដាន​កិច្ច​ពិភាក្សា​នោះនៅ​វិមាន​រដ្ឋសភាដូច​ត​ទៅ៖

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បក្ស​ទាំងពីរ​នៅតែ​មិន​ទាន់​ឯកភាពគ្នា​លើ​រយៈពេល​ឃោសនា​បោះឆ្នោត​ទោះ​មាន​ការបន្ទន់​ជំហរ​ដាក់គ្នា​​

បក្ស​ទាំងពីរ​នៅតែ​មិន​ទាន់​ឯកភាពគ្នា​លើ​រយៈពេល​ឃោសនា​បោះឆ្នោត​ទោះ​មាន​ការបន្ទន់​ជំហរ​ដាក់គ្នា​​

ដោយ៖​ ទូច សុខា​ | ថ្ងៃសុក្រ ទី13 កុម្ភៈ 2015, 07:02 PM​

លោក គួ​យ ប៊ុន​រឿន(ឆ្វេង) ប្រធាន​ក្រុមការងារ​កំណែ​ទម្រង់កា​រ​បោះឆ្នោត​មក​ពី​គណបក្ស​សង្គ្រោះ​ជាតិ​ និងលោក​ ប៊ិន ឈិន ប្រធាន​ក្រុម​ការងារ​កំណែទម្រង់​មកពី​គណបក្ស​ប្រជាជន​កម្ពុជា

​គណបក្ស​ឈ្នះឆ្នោត​ទាំង​ពីរ​នៅ​តែ​មិនទាន់​អាច​រក​ចំណុច​ឯកភាពគ្នា​ទៅលើ​រយៈពេល​នៃ​ការឃោសនាបោះឆ្នោត និង​ចំនួន​ថ្ងៃ​ដែល​អាច​ហែរ​ក្បួន​ឃោសនា​បោះឆ្នោត​នៅ​ឡើយ ទោះបីជា​គណបក្ស​ទាំងពីរ​បាន​បន្ទន់​ជំហរ​រក​គ្នា​បន្តិច​ក៏ដោយ ។​

​នៅ​រសៀល​ថ្ងៃ​សុក្រ​នេះ ក្រុម​ការងារ​កំណែទម្រង់​ការបោះឆ្នោត​របស់​គណ​បក្ស​ទាំងពីរ​ បាន​ជួប​ពិភាក្សា​គ្នា​ជា​ថ្មី​លើ​ជំពូក​ទី​៧​នៃ​ច្បាប់​បោះឆ្នោត​ថ្មី ដោយ​ផ្តោត​សំខាន់​ទៅ​លើ​ការប្រើប្រាស់​ប្រព័ន្ធ​ផ្សព្វផ្សាយ និង​ទី​សាធារណៈ​របស់​រដ្ឋ នៅពេល​ឃោសនាបោះឆ្នោត រយៈពេល​នៃ​ការឃោសនាបោះឆ្នោត និង​ចំនួន​ថ្ងៃ​នៃ​ការ​ហែរ​ក្បួន​ឃោសនា​ជា​ដើម ។​

​ប្រធាន​ក្រុមការងារ​កំណែ​ទម្រង់កា​រ​បោះឆ្នោត​មក​ពី​គណបក្ស​សង្គ្រោះ​ជាតិ​លោក គួ​យ ប៊ុន​រឿន ថ្លែង​ប្រាប់​អ្នកសារព័ត៌មាន​ក្រោយ​ពី​កិច្ចប្រជុំ​នៅ​វិមាន​រដ្ឋ​សភា​ថា ភាគី​គណបក្ស​សង្គ្រោះ​ជាតិ​ចង់ឲ្យ​មាន​រយៈពេល​ឃោសនា​៤៥​ថ្ងៃ ឬ​ត្រឹម​៣០​ថ្ងៃ​ដូច​ច្បាប់​ចាស់ ។ លោក​អះអាង​ថា ការឃោសនា​ក្នុង​រយៈពេល​វែង​នេះ គឺ​ដើម្បី​ទុក​ពេលវេលា​ឲ្យ​គណបក្ស​ដែល​មិន​មាន​ប្រព័ន្ធ​ផ្សព្វផ្សាយ​ផ្ទាល់​ខ្លួន​អាច​មាន​ពេល​គ្រប់គ្រាន់​ក្នុង​ការចុះ​ជួប​ជាមួយ​អ្នកគាំទ្រ​របស់ខ្លួន ខណៈ​ដែល​គណបក្សកាន់អំណាច​មាន​ប្រព័ន្ធ​ផ្សព្វផ្សាយ​ច្រើន ។​

Continue reading បក្ស​ទាំងពីរ​នៅតែ​មិន​ទាន់​ឯកភាពគ្នា​លើ​រយៈពេល​ឃោសនា​បោះឆ្នោត​ទោះ​មាន​ការបន្ទន់​ជំហរ​ដាក់គ្នា​​

សង្គម​ស៊ីវិល​ទាមទារ​លុប​មាត្រា​ច្បាប់​បោះឆ្នោត​ថ្មី​ដែល​រារាំង​ការ​បញ្ចេញ​មតិ

សង្គម​ស៊ីវិល​ទាមទារ​លុប​មាត្រា​ច្បាប់​បោះឆ្នោត​ថ្មី​ដែល​រារាំង​ការ​បញ្ចេញ​មតិ

ដោយ ទីន ហ្សាការីយ៉ា
2015-02-04

ប៊ិន ឈិន គួយ ប៊ុនរឿន ៦២០

ប្រធាន​ក្រុម​ចរចា​គណបក្ស​ប្រជាជន​កម្ពុជា លោក ប៊ិន ឈិន (ឆ្វេង) និង​ប្រធាន​ក្រុម​ចរចា​គណបក្ស​ប្រឆាំង លោក គួយ ប៊ុនរឿន (ស្ដាំ) ផ្ដល់​បទសម្ភាសន៍​ដល់​អ្នក​កាសែត បន្ទាប់​ពី​កិច្ច​ប្រជុំ​ស្ដីពី​ការ​កែ​ទម្រង់​ច្បាប់​បោះ​ឆ្នោត នា​វិមាន​រដ្ឋសភា នៅ​ថ្ងៃ​ទី​២៦ ខែ​ធ្នូ ឆ្នាំ​២០១៤។

RFA/Vann Vichar

អង្គការ​សង្គម​ស៊ីវិល​ចំនួន ៩ នៅ​ថ្ងៃ​ទី​៤ កុម្ភៈ នេះ បាន​ចេញ​សេចក្ដី​ថ្លែងការណ៍​រួម​គ្នា​សម្ដែង​ពី​ក្ដី​ព្រួយ​បារម្ភ​ចំពោះ​ច្បាប់​បោះ​ឆ្នោត​ថ្មី ថា​ច្បាប់​នេះ​នឹង​មាន​ការ​រឹតត្បិត​សិទ្ធិ​សេរីភាព​ក្នុង​ការ​បញ្ចេញ​មតិ​របស់​អង្គការ​សង្គម​ស៊ីវិល។

ក្រុម​អង្គការ​សង្គម​ស៊ីវិល​ស្នើ​ឲ្យ​រដ្ឋាភិបាល និង​គណបក្ស​នយោបាយ​គោរព​សេរីភាព​ខាង​ការ​បញ្ចេញ​មតិ ដើម្បី​ឲ្យ​កំណែ​ទម្រង់​ច្បាប់​បោះ​ឆ្នោត​នោះ មាន​លក្ខណៈ​ល្អ​ប្រសើរ​ឈរ​លើ​គោលការណ៍​ប្រជាធិបតេយ្យ។

ក្រុម​អង្គការ​សង្គម​ស៊ីវិល​ទាមទារ​ឲ្យ​គណបក្ស​ជាប់​ឆ្នោត​ទាំង​ពីរ​ដក​ចេញ​មាត្រា​១​ក្នុង​សេចក្ដី​ច្បាប់​បោះ​ឆ្នោត និយាយ​ពី​ការ​រឹតត្បិត​អង្គការ​សង្គម​ស៊ីវិល​នោះ។

អង្គការ​សង្គម​ស៊ីវិល​ចំនួន ៩ បាន​ចេញ​សេចក្ដី​ថ្លែងការណ៍​រួម​គ្នា​នៅ​ថ្ងៃ​ទី​៤ កុម្ភៈ សម្ដែង​ការ​ព្រួយ​បារម្ភ​យ៉ាង​ខ្លាំង​ចំពោះ​វិធានការ​ថ្មី​នៅ​ក្នុង​សេចក្ដី​ព្រាង​ច្បាប់​បោះ​ឆ្នោត​ដែល​ហាមឃាត់​អង្គការ​សង្គម​ស៊ីវិល​ក្នុង​ការ​ផ្ដល់​បទសម្ភាសន៍​ជាមួយ​ប្រព័ន្ធ​ផ្សព្វផ្សាយ ឬ​ថ្លែងការណ៍​ផ្សេងៗ​ដែល​អាច​ជេរ​ប្រមាថ​ដល់​គណបក្ស​នយោបាយ​នៅ​ពេល​ឃោសនា​បោះ​ឆ្នោត។
Continue reading សង្គម​ស៊ីវិល​ទាមទារ​លុប​មាត្រា​ច្បាប់​បោះឆ្នោត​ថ្មី​ដែល​រារាំង​ការ​បញ្ចេញ​មតិ

អ្នក​ជំនាញ​កំណែ​ទម្រង់​បោះឆ្នោត​អឺរ៉ុប​ជួប​ក្រុមបច្ចេកទេស​បក្ស​ទាំងពីរ

អ្នក​ជំនាញ​កំណែ​ទម្រង់​បោះឆ្នោត​អឺរ៉ុប​ជួប​ក្រុមបច្ចេកទេស​បក្ស​ទាំងពីរ

ដោយ ប្រាជ្ញ ចេវ
2015-01-23

ប៊ិន ឈិន គួយ ប៊ុនរឿន ៦២០

ប្រធាន​ក្រុម​ចរចា​គណបក្ស​ប្រជាជន​កម្ពុជា លោក ប៊ិន ឈិន (ឆ្វេង) និង​ប្រធាន​ក្រុម​ចរចា​គណបក្ស​ប្រឆាំង លោក គួយ ប៊ុនរឿន (ស្ដាំ) ផ្ដល់​បទសម្ភាសន៍​ដល់​អ្នក​កាសែត បន្ទាប់​ពី​កិច្ច​ប្រជុំ​ស្ដីពី​ការ​កែ​ទម្រង់​ច្បាប់​បោះ​ឆ្នោត នា​វិមាន​រដ្ឋសភា នៅ​ថ្ងៃ​ទី​២៦ ខែ​ធ្នូ ឆ្នាំ​២០១៤។

RFA/Vann Vichar

អ្នក​ជំនាញ​ផ្នែក​កំណែទម្រង់​ការបោះឆ្នោត របស់​អឺរ៉ុប (EU) ផ្ដល់​បទ​បង្ហាញ ក្រុម​មន្ត្រី​បច្ចេកទេស​កំណែទម្រង់​កា​របោះ​ឆ្នោត​កម្ពុជា​ទាំងពីរ​បក្ស នៅ​ចំណុច​សំខាន់ៗ​មួយ​ចំនួន ដើម្បី​ធានា​ថា ការរៀបចំ​បញ្ជី​បោះឆ្នោត មាន​លក្ខណៈ​ល្អ​ប្រសើរ។ ចំណុច​សំខាន់ៗ​ទាំងនោះ​មាន​៖ ការ​ធ្វើ​បញ្ជី​ឈ្មោះ​អ្នកបោះឆ្នោត ដោយ​ប្រើ​សំបុត្រកំណើត​ចេញ​ដោយ​ក្រសួងមហាផ្ទៃ ការ​ធ្វើ​បច្ចុប្បន្នភាព​បញ្ជី​បោះឆ្នោត​ចាស់ របស់​គជប​សព្វថ្ងៃ ការ​ធ្វើ​បញ្ជី​បោះឆ្នោត​ថ្មី និង​ការ​ធ្វើ​បញ្ជី​បោះឆ្នោត​ថ្មី ដោយ​ប្រើ​អត្តសញ្ញាណប័ណ្ណ​សញ្ជាតិ​ខ្មែរ សម្រាប់​ចុះឈ្មោះ​បោះឆ្នោត និង​សម្រាប់​បោះឆ្នោត​។

លោក គួយ ប៊ុនរឿន មន្ត្រី​ក្រុមបច្ចេកទេស​មកពី​គណបក្ស​សង្គ្រោះ​ជាតិ មានប្រសាសន៍ថា ក្រុម​ជំនាញ​បាន​បង្ហាញ​ពី របៀប​និង​ប្រព័ន្ធ​គ្រប់គ្រង​អ្នកបោះឆ្នោត​ដោយ​ស្នាម​ម្រាមដៃ និង​ឯកសារ​មួយ​ចំនួន ដើម្បី​ធានា​ថា បញ្ជី​បោះឆ្នោត​ថ្មី គ្មាន​ឈ្មោះ​ស្ទួន គ្មាន​ឈ្មោះ​ខ្មោច និង​គ្មាន​ឈ្មោះ​អ្នក​បោះឆ្នោត​អាច​បោះឆ្នោត​បាន។ លោក​បន្ត​ថា គណបក្ស​សង្គ្រោះ​ជាតិ គាំទ្រ​មួយ​១០០​ភាគរយ​ចំពោះ​អនុ​សាស្ត្រ​នេះ ព្រោះ​បច្ចេកទេស​នោះ មាន​ប្រសិទ្ធភាព​ខ្ពស់ និង​ចំណាយ​អស់​លុយ​តិច៖ «ខ្ញុំ​គាំទ្រ​នៅ​អ្វី​ដែល​ជា​អ្នកបច្ចេកទេស​អឺរ៉ុប ផ្ដល់​ជា​គំនិត​នេះ។ បើ​កម្ពុជា​អនុវត្ត​ការបោះឆ្នោត​លើក​ក្រោយៗ​មិន​មាន​បញ្ហា​ទៀត​ទេ»។

ជំនួប​រវាង​ក្រុម​បច្ចេកទេស​អឺរ៉ុប នៅ​មន្ទីរ​រដ្ឋសភា នៅ​ថ្ងៃ​ទី​២៣ ខែ​មករា ជាមួយ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ធ្វើឡើង​ដាច់ដោយឡែក​ពី​គ្នា។ ទាក់ទង​ការ​ធ្វើ​កំណែ​ទ្រ​ង​ការបោះឆ្នោត​នេះ កន្លង​មាន​ប្រទេស​ជឿនលឿន​មួយ​ចំនួន អង្គការ​សង្គម​ស៊ីវិល​ជាតិ និង​អន្តរជាតិ​បាន​ផ្ដល់​គំនិត ក៏ដូចជា​បច្ចេកទេស​ជា​ញឹកញាប់ ដល់​ក្រុមការងារ​ទាំងពីរ​គណ​បក្ស​នេះ៕

KhmerExpat.TV 1 Wednesday 21 January 2015

Khmer TV, Khmer Expat TV, the ceroc, overseas khmers, oversea khmer, overseas Cambodians, oversea cambodia.

Voice from Khmer Abroad or KhmerEXpat.TV is an online weekly TV to screen all activities of Khmers overseas.