One million signatures to restore the Paris Peace Agreement for Cambodia during this 26th Anniversary

26 Anniversary of PPA

មួយលានហត្ថលេខាដើម្បីស្តារឡើងវិញនូវកិច្ចព្រមព្រៀងសន្តិភាពទីក្រុងប៉ារីសខួបលើកទី២៦ឆ្នាំនេះ

ស្របតាមស្ថានការណ៍ខ្មៅងងឹតនៃការបត់ក្បាលទៅរកលទ្ធិផ្តាច់ការដឹកនាំបែបឯកបក្សនៅកម្ពុជានាពេលបច្ចុប្បន្ន យើងខ្ញុំចុះហត្ថលេខាខាងក្រោមនេះដើម្បីស្នើរដល់អង្គការសហប្រជាជាតិនិងប្រទេសហត្ថលេខីនៃកិច្ចព្រមព្រៀងសន្តិភាពទីក្រុងប៉ារីសថ្ងៃ២៣ ខែតុលា ឆ្នាំ១៩៩១ទាំងអស់ រួមគ្នាជួយដោះស្រាយបញ្ហាកម្ពុជាជាបន្ទាន់៖

  1. អង្គការសហប្រជាជាតិនិងប្រទេសហត្ថលេខីទាំង១៨ប្រទេសមិនអាចព្រងើយកន្តើយចំពោះដំណើរដើរថយក្រោយនៃលទ្ធិប្រជាធិបតេយ្យដែលកំពុងកើតមានក្នុងប្រទេសកម្ពុជាសព្វថ្ងៃនេះទេ ជាពិសេសបំណងរបស់គណបក្សកាន់អំណាចដែលប្រាថ្នាចង់រំលាយនិងដកហូតអាសនៈសភារបស់គណបក្សជំទាស់គឺគណបក្សសង្គ្រោះជាតិមុនថ្ងៃបោះឆ្នោតឈានចូលមកដល់។
  2. ជំរុញអោយគណបក្សមានអាសនៈក្នុងសភាធំៗទាំងពីរគឺគណបក្សប្រជាជនកម្ពុជានិងគណបក្សសង្គ្រោះជាតិងាកមករកតុសន្ទនាគ្នាតាមស្មារតីនៃច្បាប់រដ្ឋធម្មនុញ្ញដើម្បីបង្កើតបរិយាកាសនយោបាយដែលមិនប៉ះទង្គិចដល់ប្រជាពលរដ្ឋខ្មែរ និងអោយមានការដោះលែងអ្នកទោសនយោបាយទាំងអស់។
  3. ជំរុញអោយមានការបោះឆ្នោតប្រកបដោយសេរី យុត្តិធម៌ និងមានតម្លាភាព មិនមានការគំរាមកំហែងទៅលើគណបក្សនយោបាយនិងស្ថាប័នគណកម្មាធិការជាតិរៀបចំការបោះឆ្នោត សំរាប់ការបោះឆ្នោតព្រឹទ្ធសភាថ្ងៃទី១៤ ខែមករា ឆ្នាំ២០១៨ និងការបោះឆ្នោតរដ្ឋសភាថ្ងៃទី២៩ ខែកក្កដា ឆ្នាំ២០១៨ នាពេលខាងមុខនេះ។

សូមអរព្រះគុណនិងសូមអរគុណ
គណកម្មាធិការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេស

One million signatures to restore the Paris Peace Agreement for Cambodia during this 26th Anniversary

Due to current political tension in Cambodia which is turning towards dictatorship leading by single-party government, we undersign to propose the United Nations and 18 signatory countries of the Paris Peace Agreement on October 23, 1991, to join together to solve the political problem in Cambodia in urgent.

  1. The United Nations and the 18 signatory countries could not ignore the ongoing setback of democracy development in Cambodia especially the intent of government-led party that is planning to dissolve and take away the parliamentary seats of the opposition party Cambodia National Rescue Party (CNRP) prior to the upcoming elections.
  2.  To urge the two largest political parties that have seats in the Assembly ie. Cambodian People’s Party (CPP) and Cambodia National Rescue Party (CNRP) come to the dialogue table according to the spirit of Constitution to ensure normal political climate for Cambodian people, and to release those political prisoners.
  3. To urge a free, fair and transparent election, free of threats towards political parties and National Election Committee (NEC) for the upcoming Senate election in January 14, 2018 and the Parliamentary election in July 29, 2018.

Thank you very much,

Committee for Election Rights of Overseas Cambodians (The CEROC)

បទបង្ហាញដោយសង្ខេប


បទបង្ហាញដោយសង្ខេប

ជាបថម ខ្ញុំព្រះករុណាសូមក្រាបថ្វាយបង្គំព្រះសង្ឃគ្រប់ព្រះអង្គ

សូមគោរពឯកឧត្តមយឹម សុវណ្ណ និងបងប្អូនជនរួមជាតិទាំងអស់ជាគោរពរាប់អាន

Sophanថ្ងៃនេះខ្ញុំបាទសេង សុភ័ណ មានកិត្តិយសដែលបានធ្វើបទបង្ហាញដោយសង្ខេបអំពីកិច្ចខិតខំព្យាយាមរបស់គណកម្មការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេសនិងព្រឹត្តិការណ៏ថ្មីៗដែលកំពុងកើតឡើងនៅកម្ពុជា។

ខ្ញុំព្រះករុណាខ្ញុំបាទសូមអរគុណឯកឧត្តមយឹម សុវណ្ណដោយផ្ទាល់ ដែលលោកបានចុះហត្ថលេខាក្នុងចំណោមតំណាងរាស្រ្តទាំង៣៣រូបដែលផ្តួចផ្តើមឡើងដោយឯកឧត្តមសុន ឆៃ ក្នុងការដាក់សំណើរពង្រាងច្បាប់ទៅរដ្ឋសភាដើម្បីធ្វើវិសោធនកម្មច្បាប់អោយពលរដ្ឋខ្មែរនៅក្រៅប្រទេសបានមានសិទ្ធិចុះឈ្មោះបោះឆ្នោតនិងបានបោះឆ្នោតដោយងាយស្រួល។ គណកម្មការអចិន្ត្រៃយ៏បានអនុមត្តិសម្រេចហើយ សព្វថ្ងៃកំពុងឋិតក្នុងដៃរបស់គណកម្មការនិតិកម្ម។ បើយោងទៅតាមបទបញ្ជាផ្ទៃក្នុងរបស់រដ្ឋសភា គណកម្មការនីតិកម្មមិនអាចប្រើពេលវេលាយូរពេកទេ ដើម្បីបញ្ជូនទៅសភាពេញអង្គធ្វើការបោះឆ្នោតសម្រេច។ តាមមាត្រា៤០នៃនីតិវិធីបោះឆ្នោតក្នុងការធ្វើវិសោធនកម្មច្បាប់ម្តងៗ ទាមទារអោយមានការបោះឆ្នោតជាសំងាត់ ដើម្បីរក្សាការពារសុចរិតភាពរបស់តំណាងរាស្ត្រម្នាក់ៗ។

សំរាប់ការចាប់ខ្លួនឯកឧត្តមកឹម សុខា ជាតំណាងរាស្ត្រនិងជាប្រធានគណបក្សសង្គ្រោះជាតិ គឺមានលក្ខណៈស្រដៀងគ្នានឹងការគំរាមកំហែងដល់លោកសម-រង្ស៊ី អោយលោកនិរទេសខ្លួនឯងអោយនៅក្រៅប្រទេសក៏ដូចជាលាឈប់ពីប្រធានគណបក្សសង្គ្រោះជាតិ។ គោលបំណងនៃការចាប់នេះគឺជាគំរាមកំហែលដល់ប្រព័ន្ធបោះឆ្នោតនៅកម្ពុជាក្នុងការធានាអោយមានសេរីនិងយុត្តិធម៍។ សូមបញ្ជាក់ថាបើការបោះឆ្នោតធ្វើឡើងគ្រាន់តែបង្គ្រប់កិច្ចអោយជនផ្តាច់ការជាអ្នកឈ្នះទេ នោះមិនអាចហៅថាប្រជាធិបតេយ្យទេ។ ឆ្លើយតបនឹងបញ្ហានេះដឺស៊ីរ៉ក់បានធ្វើលិខិតទៅឯកឧត្តមស៊ិក-ប៊ុនហុក ប្រធានគណកម្មការជាតិរៀបចំការបោះឆ្នោត ដើម្បីចង់ដឹងថាគ.ជ.បគួរផ្អាកការបោះឆ្នោតឬគួរបន្តកិច្ចការរបស់ខ្លួនក្នុងកាលៈទេសៈបច្ចុប្បន្ននេះ ដោយសួរទៅរដ្ឋាភិបាលអំពីសមត្ថភាពក្នុងការរក្សានូវលទ្ធិប្រជាធិបតេយ្យសេរីពហុបក្សនៅកម្ពុជា? គណកម្មការយើងខ្ញុំមិនទាន់ទទួលបានចំឡើយទេមកទល់ពេលនេះ។Sophan Yim Sovann

• ស្របតាមលក្ខណ្ឌបច្ចុប្បន្ននិងហេតុការណ៏រដ្ឋប្រហារនៅឆ្នាំ២០០៧ លោកហ៊ុន-សែន ប្រើអំណាចក្រៅរដ្ឋធម្មនុញ្ញដើម្បីគំរាមកំហែងនិងកាត់បន្ថយកំឡាំងដៃគូរប្រកួតរបស់គាត់ ហើយធ្វើខ្លួនឯងអោយមានភាពប្រាកដនិយមថាខ្លួននឹងឈ្នះនៅរាល់ការបោះឆ្នោតតែប៉ុណ្ណោះ។
• គណបក្សសង្គ្រោះត្រូវមានភាពប្រាកដនិយមនៅក្នុងខ្លួនជានិច្ច ស្របតាមតំណាងរាស្ត្រទាំង៥៥កៅអីដែលខ្លួនមានបច្ចុប្បន្នអាចបន្តការងាររបស់ខ្លួនយ៉ាងណាដើម្បីធានាថាជនមានអំណាចមិនអាចប្រើអំណាចក្រៅរដ្ឋធម្មនុញ្ញរបស់ខ្លួនបាន។ បញ្ហានេះ ខ្ញុំបានសរសេរនិងធ្វើបទវិភាគច្រើនណាស់តាមរយៈ www.sophanseng.info ចាប់តាំងពីការចូលសភានៅឆ្នាំ២០១៤មកម្លេះ។
• ក្នុងចំណោមអ្នកនយោបាយខ្មែរគ្រប់គណបក្សនយោបាយទាំងអស់ ជាពិសេសបក្សដឹកនាំរដ្ឋាភិបាល គឺមានតែប្រហែលមិនដល់១០ភាគរយផងដែលរមែងប្រើអំណាចក្រៅរដ្ឋធម្មនុញ្ញដើម្បីសំរេចបំណងនិងមហិច្ឆិតារបស់ខ្លួន សុទិដ្ឋិនិយមគឺថាតើចំនួនជាង៩០ភាគរយទៀតគួរធ្វើកិច្ចការអ្វីខ្លះដើម្បីអោយអ្នកទាំងអស់គ្នាមានសុខដុមរមនាក្រោមឆ័ត្ររដ្ឋធម្មនុញ្ញតែមួយទាំងអស់គ្នា?
• ជាការត្រេកអរដែលគណបក្សសង្គ្រោះជាតិមានគោលជំហរនឹងមិនលៈបង់ការតស៊ូរបស់ខ្លួន បន្តការងារទៅមុខទៀតឈានទៅរកការបោះឆ្នោតដើម្បីការផ្លាស់ប្តូរនៅឆ្នាំ២០១៨។ រដ្ឋមន្ត្រីក្រសួងយុត្តិធម៏ រដ្ឋមន្ត្រីក្រសួងពត៍មាន ឬក៏ប្រធាននាយកដ្ឋានពន្ធដាររឿងកាសែតខាំបូឌៀដែលលី ឬក៏អ្នកដែលរមែងប្រើពាក្យថាបដិវត្តព៍ណដោយខ្វះទំនួលខុសត្រូវជាដើម គួរត្រូវហៅមកសាកសួរនៅរដ្ឋសភាស្របតាមរដ្ឋធម្មនុញ្ញដើម្បីបញ្ជាក់ពីគោលជំហរនិងការបំពេញតួនាទីរបស់ខ្លួនអោយបានត្រឹមត្រូវតាមច្បាប់។ល។និង។ល។
• ថ្ងៃ២៣ ខែតុលា ខាងមុខ យើងខ្ញុំនឹងជ្រើសយកទីនេះម្តងទៀតដើម្បីរំលឹកខួប១៧ឆ្នាំនៃកិច្ចព្រមព្រៀងសន្តិភាពទីក្រុងប៉ារីស។ យើងខ្ញុំសូមអំពាវនាវដល់បងប្អូនទាំងអស់ចូលរួមអោយបានច្រើនកុះករដើម្បីចូលរួមជាមួយបងប្អូនខ្មែរយើងជុំវិញពិភពលោក រំលឹកនិងជំរុញអោយមានការបដិបត្តិតាមកិច្ចព្រមព្រៀងដែលមានជាធរមាននេះអោយមានផ្លែផ្កាជាវិជ្ជមានសំរាប់នាវាកម្ពុជា។

ទីក្រុងវ៉ែនកូវើរ ថ្ងៃអាទិត្យ ទី១៧ ខែកញ្ញា ឆ្នាំ២០១៧

សូមអរព្រះគុណនិងសូមអរគុណ

សេង សុភ័ណ
ប្រធានគណកម្មការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេស

បទបង្ហាញដោយសង្ខេប

បទសម្ភាសន៍ VOA៖ សកម្មជនសិទ្ធិបោះឆ្នោតខ្មែរនៅបរទេសខកចិត្តនឹងប្រកាសក្រសួងមហាផ្ទៃ

បទសម្ភាសន៍ VOA៖ សកម្មជនសិទ្ធិបោះឆ្នោតខ្មែរនៅបរទេសខកចិត្តនឹងប្រកាសក្រសួងមហាផ្ទៃ

VOA Photoគណៈកម្មាធិការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេសស្នើសុំឱ្យគណៈកម្មាធិការជាតិរៀបចំការបោះឆ្នោតធ្វើឱ្យនិរាករណ៍ប្រកាសរបស់ក្រសួងមហាផ្ទៃ ដែលបន្ថែមនីតិវិធីក្នុងការចុះឈ្មោះអ្នកបោះឆ្នោតថ្មី។ អង្គការនេះចាត់ទុកថាប្រកាសរបស់ក្រសួងដែលតម្រូវឱ្យពលរដ្ឋស្នាក់នៅកន្លែងណាមួយរយៈពេល៣០ថ្ងៃមុននឹងអាចចុះឈ្មោះបាន នឹងមានផលប៉ះពាល់ដល់ពលករចំណាកស្រុក និងពលរដ្ឋខ្មែររស់នៅក្រៅប្រទេសដែលចង់ទៅចូលរួមបោះឆ្នោតក្នុងពេលខាងមុខ។ សូមលោកអ្នកនាងស្តាប់បទសម្ភាសន៍រវាងលោក ម៉ែន គឹមសេង នៃវីអូអេ ជាមួយនឹងលោក សេង សុភ័ណ ប្រធានគណៈកម្មាធិការនេះដូចតទៅ៕

១. តេីដឺស៊ីរ៉ក់ជាអ្វី?

ដឺសេរ៉ក់ជាពាក្យកាត់ភាសាអង់គ្លេសដែលមានន័យថា គណកម្មាធិការដេីម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេស ជាអង្គការក្រៅរដ្ឋាភិបាល មិនស្វែងរកកម្រៃ មានទីស្នាក់ការធំនៅប្រទេសកាណាដា។

1. What is the CEROC?

The CEROC is an abbreviation of “Committee for Election Right of Overseas Cambodians”, is a non-governmental organization (NGO), non-profit orientation, and main office is based at Canada.

២. តេីដឺស៊ីរ៉ក់មានគំរោងដេីម្បីសំរេចយុទ្ធនាការរបស់ខ្លួនយ៉ាងណា?

តាមរយះការចូលរួមពីប្រជាពលរដ្ឋកម្ពុជានិងមិត្តអ្នកស្រឡាញ់លទ្ធិប្រជាធិបតេយ្យទាំងអស់ យេីងកំពុងតំរង់ទិសដេីម្បីសម្រេចគោលដៅរួមតែមួយគឺសិទ្ធិមូលដ្ឋានរបស់ប្រជាពលរដ្ឋខ្មែរ ដែលកំពុងរស់នៅឯនាយសមុទ្របានចូលរួមបោះឆ្នោតនូវរាល់ការបោះឆ្នោតជាតិរបស់កម្ពុជា ដែលសិទ្វិនេះត្រូវបានធានាដោយរដ្ឋធម្មនុញ្ញកម្ពុជានិងសេចក្តីថ្លែងការណ៍ជាសាកលស្តីពីសិទ្ធិមនុស្សរបស់អង្គការសហប្រជាជាតិ។ យុទ្ធនាការចំបងរបស់យេីងគឺការផ្្តល់ចំណេះដឹងដល់ប្រជាពលរដ្ឋខ្មែរ ការស្នើរអោយរដ្ឋសភាធ្វើវិសោធនកម្មច្បាប់រដ្ឋធម្មនុញ្ញដោយនិយាយអោយច្បាស់ថាប្រជាពលរដ្ឋខ្មែរនៅក្រៅប្រទេសអាចមានសិទ្ធិបោះឆ្នោតបាន និងបោះពុម្ពផ្សាយនានាទាក់ទងនឹងសិទ្ធិបោះឆ្នោតរបស់ប្រជាពលរដ្ឋខ្មែរនៅក្រៅប្រទេស។

2. How does the CEROC plan to achieve this campaign?

Continue reading បទសម្ភាសន៍ VOA៖ សកម្មជនសិទ្ធិបោះឆ្នោតខ្មែរនៅបរទេសខកចិត្តនឹងប្រកាសក្រសួងមហាផ្ទៃ

សេចក្តីថ្លែងការណ៍

ព្រះសង្ឃគ្រប់ព្រះអង្គនិងជនរួមជាតិជាទីគោរព

កម្មវត្ថុ៖ លក្ខណ្ឌថ្មីតម្រូវអោយអ្នកចុះឈ្មោះបោះឆ្នោតត្រូវស្នាក់នៅអាស័យដ្ឋានបច្ចុប្បន្ន៣០ ថ្ងៃឡើងទៅដែលប្រកាសដោយក្រសួងមហាផ្ទៃនៅថ្ងៃ១៤សីហាឆ្នាំ២០១៧បន្ថែមទៅលើសេចក្តីប្រកាសខែធ្នូឆ្នាំ២០១៥ គឺរំលោភលើច្បាប់បោះឆ្នោតដែលបានកំណត់អោយមានតែសាក្សី ម្នាក់ដើម្បីបញ្ជាក់លំនៅដ្ឋានហើយអាចចុះឈ្មោះបោះឆ្នោតបាន។

គណៈកម្មាធិការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេសហៅកាត់ថាស៊ីរ៉ក់ មាន ការខកចិត្តជាខ្លាំងចំពោះសេចក្តីប្រកាសរបស់ក្រសួងមហាផ្ទៃដែលមានដែនសមត្ថកិច្ចទៅលើយុត្តាធិការ របស់គជបក្នុងការកំណត់សុពលភាពអ្នកមានសិទ្ធិចុះឈ្មោះបោះឆ្នោតដែលបានតម្រូវអោយមានតែសា-ក្សីម្នាក់ដើម្បីកំណត់លំនៅឋានបច្ចុប្បន្នក្នុងការចុះឈ្មោះបោះឆ្នោតបាន។

ការតម្រូវអោយស្នាក់នៅ៣០ថ្ងៃនិងត្រូវមានលិខិតបញ្ជាក់ពីនាយប៉ុស្តិ៍នគរបាលគឺផ្ទុយស្រឡៈ ពីច្បាប់បោះឆ្នោត និងអាចមើលឃើញថាជាការរំលោភទៅលើដែនសមត្ថកិច្ចរបស់គជប។ យើងខ្ញុំសូម បដិសេធន៍នូវមតិរបស់លោកសោម សូរីដា ដែលជាលេខាធិការរងរបស់គជបក្នុងការទទួលស្គាល់ ប្រកាសរបស់ក្រសួងមហាផ្ទៃតាមរយៈវេទិការអ្នកស្តាប់អាស៊ីសេរីកាលពីថ្ងៃទី២២ខែសីហាឆ្នាំ២០១៧ តាមឆន្ទានុសិទ្ធិនិងឋានៈរបស់លោក លោកមិនអាចមានសិទ្ធិអារកាត់អ្វីឡើយលុះត្រាតែមានសេចក្តី សំរេចពីសមាជិកទាំង៩របស់គជប។

សំណូមពរ៖ យើងខ្ញុំសំណូមពរអោយគជបពិចារណានិរាករសេចក្តីប្រកាសរបស់ក្រសួងមហាផ្ទៃដើម្បី អនុវត្តន៍តាមច្បាប់បោះឆ្នោតអោយបានត្រឹមត្រូវ ធានានូវឯករាជ្យភាពមិនលំអៀង និងវិជ្ជាជីវៈរបស់ខ្លួន ជាពិសេសអាចសំរួលភាពងាយស្រួលអោយកម្មករក្នុងស្រុកនិងចំណាកស្រុកយើងរាប់លាននាក់អាច មានសិទ្ធិចុះឈ្មោះបានដោយគ្មានឧបសគ្គរឿងរស់នៅអោយគ្រប់៣០ថ្ងៃ។

សូមព្រះសង្ឃគ្រប់ព្រះអង្គនិងជនរួមជាតិទទួលនូវពុទ្ធពរទាំងឡាយ៤ប្រការកុំបីអាក់ខានឡើយ។

ធ្វើនៅប្រទេសកាណាដា ថ្ងៃទី២៣ ខែសីហា ឆ្នាំ២០១៧

សេង សុភ័ណ

ប្រធានគណៈកម្មាធិការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេស

អានសេចក្តីប្រកាសទាំងស្រុង

សន្លឹកឆ្នោតរបស់ខ្ញុំ សិទ្ធិសេរីភាពរបស់ខ្ញុំ យុត្តិធ៌មរបស់ខ្ញុំ

“My Vote, My Freedom, My Justice”

[about us] [petition] [reform effort] [portfolio] [faqs]

វិសោធនកម្មច្បាប់​​អនុញ្ញាត​ឲ្យ​​​បោះឆ្នោត​ពីបរទស​​​បញ្ជូន​ទៅ​​សភា​ហើយ​

វិសោធនកម្មច្បាប់អនុញ្ញាតឲ្យបោះឆ្នោតពីបរទសបញ្ជូនទៅសភាហើយ

កាលពីម្សិលមិញ គណៈកម្មាធិការអចិន្ត្រៃយ៍នៃរដ្ឋសភាបានអនុម័តការសិក្សាបន្ថែមលើវិសោធនកម្មច្បាប់ស្ដីពីការបោះឆ្នោតដែលនឹងអនុញ្ញាតឱ្យពលករចំណាកស្រុកខ្មែរជាង១លាននាក់បានបោះឆ្នោតពីបរទេស។

លោក អេង ឆៃអ៊ាង អនុប្រធានគណបក្សសង្គ្រោះជាតិដែលបានចូលរួមកិច្ចប្រជុំកាលពីម្សិលមិញបានមានប្រសាសន៍ថា ច្បាប់ដែលស្នើឡើងដោយគណបក្សសង្គ្រោះជាតិនេះមានបំណងបង្កលក្ខណៈងាយស្រួលសម្រាប់ពលរដ្ឋទាំងអស់នៅក្នុងការបោះឆ្នោត រួមទាំងអ្នកដែលធ្វើការទៅបរទេសផង។

លោកបានថ្លែងថា “យើងត្រូវតែធានាថា ពួកគាត់អាចប្រើប្រាស់សិទ្ធិរបស់គាត់ក្នុងការជ្រើសរើសអ្នកតំណាងរបស់គាត់ដោយងាយស្រួល”។ លោកបានបន្តថា “បើសិនជាយើងមិនធ្វើវិសោធនកម្មទេ ដូច្នេះការអនុវត្តសិទ្ធិរបស់គាត់គឺលំបាកហើយ”។

ការរាប់សន្លឹកឆ្នោតនៅខណ្ឌចំការមន ក្នុងរាជធានីភ្នំពេញ បន្ទាប់ពីការបោះឆ្នោតជ្រើសរើសក្រុមប្រឹក្សាឃុំ សង្កាត់ កាលពីថ្ងៃទី៤ ខែមិថុនា។ រូបថតៈ ស៊ីវ ចាន់ណា/ឌឹ ខេមបូឌា ដេលី

ការរាប់សន្លឹកឆ្នោតនៅខណ្ឌចំការមន ក្នុងរាជធានីភ្នំពេញ បន្ទាប់ពីការបោះឆ្នោតជ្រើសរើសក្រុមប្រឹក្សាឃុំ សង្កាត់ កាលពីថ្ងៃទី៤ ខែមិថុនា។ រូបថតៈ ស៊ីវ ចាន់ណា/ឌឹ ខេមបូឌា ដេលី

លោក ឡេង ប៉េងឡុង អ្នកនាំពាក្យរដ្ឋសភាបានមានប្រសាសន៍ថា  នៅក្នុងកិច្ចប្រជុំបិទទ្វារនេះ គណៈកម្មាធិការអចិន្ត្រៃយ៍ដែលដឹកនាំដោយលោក ហេង សំរិន ប្រធានព្រឹទ្ធសភា និងដែលមានសមាសភាពតំណាងរាស្ត្រគណបក្សប្រជាជនប្រាំមួយរូប និងតំណាងរាស្ត្រគណបក្សសង្គ្រោះជាតិប្រាំរូបនេះបានបោះឆ្នោតបញ្ជូនសេចក្តីស្នើវិសោធនកម្មនេះទៅគណៈកម្មការនីតិកម្ម និងយុត្តិធម៌នៃរដ្ឋសភាហើយ។

អ្នកនាំពាក្យរូបនេះបានបន្តថា គណៈកម្មការជំនាញដែលមានសមាសភាពប្រាំរូបមកពីគណបក្សប្រជាជនកម្ពុជា និងបួនរូបមកពីគណបក្សសង្គ្រោះជាតិ “នឹងសិក្សា ស្រាវជ្រាវ គេធ្វើវិភាគ វាយតម្លៃ ហើយបញ្ជូនលទ្ធផលនៃការសន្និដ្ឋានរបស់ខ្លួនជូនគណៈកម្មាធិការអចិន្ត្រៃយ៍វិញ”។

លោកលើកឡើងបន្ថែមទៀតថា បន្ទាប់មកគណៈកម្មាធិការអចិន្ត្រៃយ៍នឹងធ្វើការសម្រេចថា តើនឹងត្រូវបញ្ជូនសេចក្ដីស្នើច្បាប់នេះទៅសម័យប្រជុំពេញអង្គដើម្បីធ្វើការបោះឆ្នោត ឬក៏ច្រានចោល។

ដោយសល់ពេលមិនដល់មួយឆ្នាំទៀតនឹងដល់ការបោះឆ្នោតជ្រើសតាំងតំណាងរាស្ត្រនៅខែកក្កដា សេចក្តីស្នើច្បាប់របស់គណបក្សសង្គ្រោះជាតិនេះនឹងអនុញ្ញាតឱ្យប្រជាពលរដ្ឋខ្មែរបានបោះឆ្នោតនៅតាមស្ថានទូត ឬស្ថានកុងស៊ុលនៅបរទេស ហើយអនុញ្ញាតឱ្យគណៈកម្មាធិការជាតិរៀបចំការបោះឆ្នោត (គ.ជ.ប) បង្កើតការិយាល័យបោះឆ្នោតនៅតាមបណ្ដោយព្រំដែនជាមួយបណ្តាប្រទេសជិតខាង។

ទោះជាយ៉ាងណា អ្នកវិភាគមួយរូបបានលើកឡើងថា ច្បាប់នេះទំនងជាមិនត្រូវបានអនុម័តទេ ព្រោះវាមិនផ្ដល់ផលប្រយោជន៍ដល់គណបក្សប្រជាជនកម្ពុជា ដែលមានសំឡេងភាគច្រើននៅក្នុងរដ្ឋសភាទេ នៅក្នុងការផ្ដល់សិទ្ធិបោះឆ្នោតដល់ពលករចំណាកស្រុកដែលមួយភាគធំទៅបរទេសដើម្បីស្វែងរកការងារមានប្រាក់ខែខ្ពស់ជាងនៅក្នុងស្រុក  ហេតុដូច្នេះរដ្ឋាភិបាលប្រហែលជាមិនពេញចិត្តនឹងច្បាប់នេះទេ។

អ្នកនាំពាក្យគណបក្សប្រជាជនកម្ពុជា មួយរូបបានលើកឡើងកាលពីដើមខែនេះថា សំណើវិសោធនកម្មនេះនឹងមិនអាចអនុវត្តបានទេដោយសារ “ឧបសគ្គផ្លូវច្បាប់ បច្ចេកទេស និងហិរញ្ញវត្ថុ”។

អ្នកនាំពាក្យរូបនោះថ្លែងថា គណបក្សសង្គ្រោះជាតិត្រូវស្វែងរក “ថវិកាបម្រុងទុក” ឬទទួលបានសំឡេងភាគច្រើននៅក្នុងរដ្ឋសភាដើម្បីអនុម័តវិសោធនកម្មនេះដែលនឹងអនុញ្ញាតឱ្យពលរដ្ឋខ្មែរប្រមាណ១,៥លាននាក់ដែលរស់នៅ ឬធ្វើការនៅបរទេសបានបោះឆ្នោត៕ សុខុម

Continue reading វិសោធនកម្មច្បាប់​​អនុញ្ញាត​ឲ្យ​​​បោះឆ្នោត​ពីបរទស​​​បញ្ជូន​ទៅ​​សភា​ហើយ​

តំណាង​រាស្ត្រ​បក្ស​ប្រឆាំង ស្នើ​ទៅ​រដ្ឋសភា​ជា​ផ្លូវ​ការ ដើម្បី​សុំ​ធ្វើ​វិសោធនកម្ម​ច្បាប់​បោះ​ឆ្នោត

តំណាងរាស្ត្រគណបក្សសង្គ្រោះជាតិចំនួន៣៣រូប ដឹកនាំដោយលោកសុន ឆ័យ នៅថ្ងៃសុក្រម្សិលមិញនេះ បានសរសេរលិខិតមួយច្បាប់ទៅកាន់ប្រធានរដ្ឋសភាលោកហេង សំរិន ដើម្បីស្នើសុំឲ្យមានការធ្វើវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ។ គោលដៅនៃសំណើធ្វើវិសោធនកម្មច្បាប់នេះ គឺដើម្បីឲ្យប្រជាពលរដ្ឋខ្មែរ ដែលកំពុងធ្វើការនិងរស់នៅឯបរទេស ទទួលបានសិទ្ធិបោះឆ្នោត។

នៅក្នុងលិខិតស្នើទៅកាន់ប្រធានរដ្ឋសភា ប្រធានក្រុមអ្នកតំណាងរាស្ត្របក្សប្រឆាំង គឺលោក សុន ឆៃ បានលើកឡើងពីប្រវត្តិការបោះឆ្នោតលើកដំបូងនៅកម្ពុជា ដែលរៀបចំដោយអង្គការសហប្រជាជាតិឆ្នាំ១៩៩៣។ ជាការបោះឆ្នោត ដែលបានផ្ដល់ឱកាសឲ្យប្រជាពលរដ្ឋខ្មែររស់នៅទាំងក្នុងនិងក្រៅប្រទេស មានសិទ្ធិបោះឆ្នោតជ្រើសរើសមេដឹកនាំស្របទៅតាមឆន្ទៈ និងបំណងរបស់ខ្លួន។

ប៉ុន្តែយ៉ាងណាក៏ដោយ ប្រធានក្រុមតំណាងរាស្ត្របក្សប្រឆាំង កត់សម្គាល់ឃើញថា ការបោះឆ្នោតជាបន្តបន្ទាប់ចាប់តាំងពីឆ្នាំ១៩៩៣នោះ ប្រជាពលរដ្ឋដែលធ្វើការឬរស់នៅក្រៅប្រទេស មិនមានសិទ្ធិបោះឆ្នោតដូចមុនទេ។ នោះក៏ព្រោះតែចន្លោះប្រហោងនៃច្បាប់បោះឆ្នោត។

ក្នុងន័យនេះហើយទើប លោក សុន ឆ័យ និងតំណាងរាស្ត្របក្សប្រឆាំងឯទៀត សម្រេចស្នើសុំ ធ្វើវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ ដែលប្រកាសឲ្យប្រើដោយព្រះរាជក្រមចុះថ្ងៃទី៦ខែមីនាឆ្នាំ២០១៥។ សេចក្ដីស្នើច្បាប់នេះ មានតែ៣មាត្រាប៉ុណ្ណោះ និងគ្មានគោលដៅអ្វីក្រៅតែពីឈានទៅបើកផ្លូវឲ្យប្រជាពលរដ្ឋខ្មែរដែលធ្វើការនិងរស់នៅក្រៅប្រទេស អាចចូលរួមបោះឆ្នោតបាន ស្របតាមសិទ្ធិ និងអនុលោមទៅតាមរដ្ឋធម្មនុញ្ញដែលជាច្បាប់កំពូលនៃប្រទេស។

ជាការកត់សម្គាល់ រហូតមកទល់ថ្ងៃសៅរ៍ ទី១២សីហានេះ លិខិតរបស់តំណាងរាស្ត្រគណបក្សសង្គ្រោះជាតិ មិនទាន់បានទៅដល់ដៃរដ្ឋសភានៅឡើយ។ លោក ឡេង ប៉េងឡុង អ្នកនាំពាក្យរដ្ឋសភា បានគូសបញ្ជាក់ប្រាប់វិទ្យុបារាំងអន្ដរជាតិថា អគ្គលេខាធិការដ្ឋានរដ្ឋសភា នៅមិនទាន់បានទទួលសេចក្ដីស្នើច្បាប់របស់តំណាងរាស្ត្រគណបក្សប្រឆាំងនៅឡើយ។ យ៉ាងណាក៏ដោយនៅពេលបានទទួលសេចក្ដីស្នើច្បាប់នោះ លោក ឡេង ប៉េងឡុង គូសបញ្ជាក់ថា អគ្គលេខាធិការដ្ឋានរដ្ឋសភា នឹងចាត់ការបន្តទៅតាមនីតិវិធី៕ – News by RFI Khmer

Read: the whole proposal law for amendment at the National Assembly to provide right to vote for all Cambodians overseas
1 2 3 4 5 6 7 8 9 9-1 9-2